عن أبي سعيد الخدري - رضي الله تعالى عنه - قال: قال رسول الله صلى الله عليه وسلم: من رأى منكم منكرًا فليغيره بيده، فإن لم يستطع فبلسانه، فإن لم يستطع فبقلبه وذلك أضعف الإيمان أخرجه مسلم.
************
غضبان يابلدى
غضبان يابلدى وقلبى مكسور
وصعبان عليا اسكت واعيش فى الدور
فساد..خيانه..وظلم..وشعب مقهور
كلّينا بقا من السلبيه والخوف
كلّينا حجج واستسلام للظروف
غضبان يابلدى وقلبى مكسور
انكسرت آمالى وطموحى
وضاع سكنى وبيتى دا وطنى من الامان مهجور
ماشى بنادى عليكى فى ذهول
غضبان يابلدى..
وكفايه بقا اعذار عذرك معتشى مقبول
اختلفت الاشكال فى الظلم ومبقتش لاقى حلول
الى اعرفه وبيقولوا عليه معقول:
يفوز بالملذات كل مجازف ويموت بالحسرة كل جبان
حرام عليا حتى اموت خسران
واشوف فسادك بيسرق عمرى
واقف قدامى الميه وانا عطشان
لأ أنا هصرخ وأثور وأغضب
وحقى هيرجع ..هعيش انسان
غضبان يابلدى ومش هسكت وانا حيران
وزيى ماقال نبينا من رأى منكم منكراً فليغيره ويعيش بأمان
كفايه بقا استسلام
لان نفسى الاقيكى يابلدى فى يوم
قررت اصرخ واثور واقوم
عندى امل فى يوم معلوم
تترد فيه المظالم؟يكون ابيض على كل مظلوم
واسود على كل ظالم :(
