المتهم مدان حتى تثبت براءته
بحلم على قدى
كنت بحلم على قدى بحياة هادئه ومستقره
كنت اتمنى ان أشعر بالامان ولو للحظه
ليه كدا؟ليه الظلم بقا ظاهره متفشيه فى مجتماعتنا
ليه انقلبت الايه وبقا كل واحد يشوف الى حواليه غلط وظالمين لحد مايثبت العكس؟!!
لو فضلنا ماشين فى الدنيا باصين ورانا هنفضل نخبط فى الى قدامنا ونتوه....
انا حزينه جدالإحساسى دا والى وصلت له
بحاول أدور إيه سبب ظاهرة الظلم الى فينا حقا اصبحت ظاهره
أقول يمكن لان الشيطان بيجرى مجرى الدم
طيب مه منذ آدم كان على الارض القرار والصراع بين الخير والشر
بين فطرة سليمه واخرى دنستها الشهوات
ليكون للدين قوله (افعل ولا تفعل)وهذا لك وذاك عليك
وقال الدين ايضا ماتفعل وسواك حلال وماضرك وغيرك حرام فى مبادىء عامه عبر العصور
ثم تتقاطر سلسلة الانبياء والمرسلين ولكل قصته الى قومه بين مصدقين ومكذبين
ويحق الله الحق ويبطش بالمكابرين وهذه سنه الخالق بين عباده
......... أى البقاء للاصلح.......
الظلم= الهلاك
ليه بنظلم بعض؟
ليه بنقول الطيب فى الزمن دا بيقولوا عليه ضعيف؟
بناكل فى بعض كاننا فى غابه؟!!
طب الحل ايه؟
اكيد اننا نمشى على كتاب الله وسنته
الكتالوج المقدس الى لازم نتعامل بيه وللاسف مبنتعملش الا بهوانا ومصلحتى اولا
تتردد انا ومن بعدى الطوفان..........ليه؟
بصيت حواليا ملقتشى غير الغفله فى عيونا
عايشين بقانون متشدش ...متشدش انت!
الحل فين؟فين؟......فين الحق؟
ليه الباطل والظلم بقوا ظاهره مؤكده حوالينا؟
ليه كلنا بصين إن كلنا متهمين فى نظر بعض؟
حد يقول لى الحل؟؟؟؟؟هنفوق امتى؟
بقينا بنلبس بعض العمه علشان نعيش
وازمه الاخلاق بقت هيا الى سايده الاسواق كلام اغانى بقا ظاهره مؤكده.....
حاليا بالاسواق: قرب قرب قرب شوف وعيش واتفرج...
كدب وغش وظلم وقسوه وفى ازمة اخلاق
ناس يكفينا الشر بتجرى تقطع فى الارزاق
والاحساس مابقاش له قيمه
والاخلاص بقا موضه قديمه
وولاد تسعه فى الشر بتسعى
ولفين رايحين محناش عارفين
ضايعين تايهين،مجاريح مساكين
عايشين ومش عايشين
وجراح تجر جراح قوليلنا يادنيا فين الدوا؟!!
عالم رايحه وعالم جيه وعالم تايهه فى وسط السوق
ونفوس والله ضايعه وضاله ناس حريفة اكل حقوق
الى يحبك علشان عله
والى اكنه ماسك لك ذله
والى بيغدر وياساتر استر لوكان رزقك على مخلوق
ولا الصاحب الى ملوش لازمه
الى يسيبك وقت الازمه
مهما اتهّرب بكره يجرب مه من نفس الكاس هيدوق
غيره وجرح وظلم يادنيا ودا بقا الى فى الاسواق
ناس بتخونك وتزيد جرحك وبتفتح لك جرح قديم
وتخون عيشك وتخون ملحك وإنت معاهم كنت كريم
كنت فاكراهم والله ملايكه لكن دول طلعوم عالم رايجه
يخطفوا حبك وتلاقى قلبك مبقاش فيه ولا جزء سليم
تدى حنان يترد قساوه
تعمل خير يترد عداوه
ناس مش هما زيى الغمه منهم يارحمان يارحيم
غيره وجرح وظلم يادنيا دا الى فى الاسواق
ناس مخنوقه وناس مضايقه وناس مش طايقه لبعض كلام
ناس مرتاحه وفايقه ورايقه ، ناس تتحايل على الايام
ناس جواها الشر بيرعى
خلو الحب مجرد سلعه
عايز حب وشوق وموده ممكن!بس هتدفع كام
حتى الحب خلاص راح زمنه
بقا ليه سعر وكله بتمنه
تدفع اكتر تتحب اكتر والمساله مش عايزه علام
خلق بتسرق عمرك سرقه وعلى القسوه ميتوصوش
خيرا تعمل شرا تلقى ناس بصراحه ميستهلوش
يخدوا حنانك ويزيدوا همك
عايزين بس يمصوا فى دمك
تفضل تدى وتدى وتدى يفضلوا ياخدوا ومبيدوش
يدخلوا بيتك يكشفوا سترك
يطلعوا بره يجيبوا فى سيرتك
ضهرك ضهرك ..وشك وشك
دول على السر ميتامنوش
غيره وجرح وظلم يادونيا دا الى فى الاسواق
احنا يادنيا تعبنا يادنيا واتعذبنا شهور وسنين
ياما عاشرنا وعيشنا وشوفنا بنى آدمين مش بنى آدمين
شوفنا الى بيتباها بجهله والى ملوش خير حتى فى اهله
والى بيحرم نفسه يادنيا علشان يسعد ناس تانيين
والى محدش ابدا همه
والى بينكر لحمه ودمه
وحقوقنا هنخدها يوم الدين........
غيره وجرح وظلم يادنيا دا الى فى الاسواق......
ماتخفوش لازم استحمل واعيش مه مليش كوكب تانى ولا ارض تانيه ...
ليه كنت مصدقه إن فى امان بيننا ماكنتش شايفه؟
ولا كنت خايفه أشوف؟!!...........................