آهآه آهاه.... ايييه اييييه اييييه.....أوه أوه أوه أوه.............
صباح الخير عليكوا،...وحيات ابوكى بؤ ميه كدا
حد يناولنى كرسى هبطت ياختى من الجرى ......
وبعدين بقا ياجماحه انا جايه اهو فى الكلام ياجماحه
انا جايه انهرده ااكد ليكوا انهرده معلومة ايييييه بقا ان الجرى نص الجدعنه اقصد لالالالالالالالا الجدعنه كلها ..
يااختى اصطوبورى عليا جيالك فى الكلام اهو ،أوم ايه بقا على رأى المثل اردب ماهو لك لا تحضر كيله، يتعفر دقنك وتدبس فى شيله؟!!!
سامعينى اسالونى انا وعلى راى المثل اسال مجرب ولا تسال طبيب،ولاتقعدوا جمب باب ،ولاجمب زييييييييييييييير،وبعدين بس بقا ياجماحه اصلى هعيط....
أنا بقا أنشك فى معاميعى الا معرفلهاش متوى لحد دلوقتى عملت فيها شجيع السيما وحضرت كيله تقولوا لى ازاى ؟ هحكيلكوا
من ساعت مانقلت فى شقتى الجديده وانا كل صحابى بنانيت قمر قمر قمر،العيال عساسيل يتاكلوا وكل
وانا طبعا لانى بنام مع الفراخ واصحى معاهم،/ كل مااخرج اعمل حاجه فى البكلونه بتاعتنا ألاقى 3 بنات زيى القمر يقولولى صباح الخير ياطنط انا ابص يمين وشمال ملقيش حد،ابص تحت فوق ملقيش حد خالص تؤ بقا وبعدين
أ لا اتعطر قدامى فى 3 بنات بس عساسيل عساسيل اخر حاجه
هما جيرانى الى اتعرفت بيهم، واحده فى كى جى تو،والتانيه رايحه تانيه ابتدائى،والتالته فى شهاده تالته ابتدائى
وياريتنى مادخلت ولا يوم كلمتهم
بينى وبينكم حنيت للامومه والطفوله وكلمت طنط ،وسينما الاطفال بقا فيها الحقيقه وفيها خيال سينما الاطفاااااااااااااال.
صحيح كلمت طنط خارجه منهم زيى العسل و العسل حلو بس النحل بيقرص
اوم ايه فى يوه من نفس ذات الوقت صحابى دول جابوا امهم وقالوا يتعرفوا عليا ،الصراحه العيال ونعم التربيه وامهم معاهم ،انما اول ماتتلفت الاقى شياطين قاعدين، قلت ماعلينا دول اطفال والاطفال احباب الله (وش متنح)
وكنت فرحانه بيهم اوى ودى كانت الزياره الاولى....................
الزياره التانيه بقا أمهم لبستهم وحمتهم وبرفانتهم وجابتهوملى بسلطاتهم وبابا غنوجهوم وكله كله
وعاديكى يااختى على الى شوفته،الست الصراحه سابتهوملى وهيا متأسفه جدا لانها فى زنقه ورايحه للدكتور والصراحه الست كانت تعبانه اوى والنبى وصااا على سابع جار،والجار احق بالشفعه وكل الحجات الحلوه دى،
أوم ايه انا رحبت وفردت صدرى على الاخر وقلت لها ،روحى يااختى والقلب دعيلك،دا انا ماصدقت دول هيسلونى،وبحبهم وقعدت اقول لها قصيدة شعر فيهم،والعيال عينيهم فى الارض ونضاف ولذاذ وعساسيل وأمهم هنااول ماقفلت الباب وراها
أوم اييييييييه افوق من كل الى فات على خبط ورزع وعياط وتقطيع
لقيت القهوه فارت،والشباك بيخبط فى بعضه ،والدنيا رخت وضلمت وحد يولع النووور،والدنيا اذا نعت اينعت،وانا لله وانا اليه راجعوووووووون
قلت اهدى خالص دول بنانيت وقعدت الاعيبهم بدبدوبى بنات بقا لقيتهم عضونى وكلوا ايدى
واحده الاقيها بتلعب فى البلكونه كل شويه اشيلها من على الكرسى وكل شويه طنط ممكن عايزه اروح التواليت
والتانيه لمت كل صابوهاتى وجزمى وجزم جوزى وعايزه تلعب طنط بتاعت السمك وتشويهم ،والتالته بقا ودى المصيبه عاقله وكامله
بتاخد جوله استكشافيه فى الشقه وبتفتح الدولاب وعايزه تنزل كل الشماعات تلعب بيهم......
كل الى فات كوم والى جاى دا بقا كوم تانى لوحدوا،يااختى بقيت اخبط على دماغى (يامرك يابنت الغروب يامرك)
البنت قعدت تنطيط على سيف الدولاب يمين شمال هوب راح سيف الدولاب الفورمه بتاعت الدولاب وقع عليها
أوبظ الدنيا ضلمت فجأه اول ماشوفت البت كدا على الارض بتصرخ وسيف الدولاب واقع فقدت التفكير والذاكره
واهدى فى البنت والبت تصرخ هو محصلهاش حاجه والحمد لله بس بتصرخ بردوك
انا بقا مفتكرتش الا دور الشهامه الى اخدنى وندمت على مافعلت،والبنت تصرخ من الخضه وانا متنحه ،بقيت اتنطط لها على الدولاب والسرير واعمل لها اراجوز علشان تهدى والبت تصرخ، سمعت صوت امها بتنادى من تحت بقيت مش عارفه اهديها ازاى هتطلع تقول لى كتاكيتى يامعلم ،جبت كل دباديبى وعريسى ولبستهم طرحى كلهم ،واطلع لها فى لسانى شويه ،
وانفخ كيس وافرقعه ، اتبهدلت وربنا.....
فين وفيييييين لما هديت البت وامهم وصلت بقا تاخدوهم وبتقول لى يااااااااه معلش تعبتك معايا
وانا مش عارفه اكلمها ابص للبيت وابص لها ومش عارفه اتكلم،ابص لكل حته فى البيت عايزه تترمم تانى وانا محتاجه اعادت هيكله ومفتكرشى انى افكر فى العيال تانى من الخضه دى، وبعدين اصلا ياحبيتى اعتبرنى هاجرت انا هعزل اصلا
ايووووووه ياجماحه قطيعه محدش بيتعلم ببلاش وانا اتعلمت ان : اردب ماهولك لاتحضر كيله يتعفر دقنك وتتدبس فى شيله؟!!!
صدعتوكوا معايا بس اصل لو مكنتش اتكلمك كنت هفضل متنحه كدا كتيييييييييير سلام بقا ...
